"Сандерленд" клуби раҳбарияти Англия чемпионатининг 8-турида "Саутҳэмтон"га қарши кечган ўйиндаги (0:8) чипталарни қайтариб беришга қарор қилди.
Бунда мухлисларнинг йўл учун сарфлаган пуллари қопланмайди, дея хабар беради Daily Mail. Чипта нархи меҳмонлар трибунасига 24 фунтни ташкил қилган, йўлкира эса бирмунча қимматга тушган, баъзи мухлислар поезд учун 152 фунт сарфлаганлар.
Таъкидлаш жоиз, бу ғоя "Сандерленд" дарвозабони Вито Маннонедан чиққан эди.
Эслатиб ўтамиз, "Сандерленд" АПЛ жадвалида 8 очко билан 17-ўринда бормоқда.