Футзал бўйича Ўзбекистон терма жамоаси 14-15 ноябрь кунлари БААнинг Дубай шаҳрида мезбон - БАА терма жамоасига қарши иккита ўртоқлик учрашувини ўтказади.
Айни пайтда Баҳодир Аҳмедов бош мураббийлик қилаётган футзал бўйича Ўзбекистон терма жамоаси ноябрь ойи бошида Тошкентда 10 кунлик йиғин ўтказади ва шундан сўнг ўз йиғинини давом эттириш учун БААга учиб кетади. Дубай шаҳрида давом этадиган йиғин давомида эса, БАА терма жамоасига қарши иккита ўртоқлик учрашуви ўтказилади.
Таъкидлаш жоиз, мазкур йиғин орқали Ўзбекистон терма жамоаси 1-3 декабрь кунлари Тошкент шаҳри мезбонлик қиладиган халқаро турнирга тайёргарлик кўришни режалаштирган. Мазкур турнирда Ўзбекистондан ташқари Қозоғистон ва Озарбайжон терма жамоалари иштирок этишади.
