Россиянинг "Краснодар" жамоаси Европа лигаси гуруҳ босқичининг учинчи турига келиб, илк марта мағлубиятга учради. Тўғри, аввалги иккита турда Кононов шогирдлари ғалаба қозонишмаганди, улар дуранг ўйнашганди.

Аввалги ўйинларда краснодарликлар ҳисобда олдинда бораётиб, ғалабани қўлдан чиқаришганди. Бу сафар эса улар биринчи бўлиб гол ўтказиб юборишди. Европа лигасида илк марта бундай ҳолатга тушган Аҳмедов жамоадошлари мағлубиятдан чиқиб кета олишмади.

"Краснодар" қўлидан келган барча ишни қилди. Аммо "Вольфсбург" футболчилари тажриба ва класс эвазига ғалаба қозониб кетишди. Аҳмедов жамоасига ёрдам беришга ҳаракат қилди. Ҳам ҳимояда, ҳам жамоасининг ҳужумини ташкил қилишда фаол ҳаракат қилди. Жумладан, жамоасининг иккинчи голига ассистентлик қилди.

Аммо иккинчи бўлим бошидаги германияликларнинг иккинчи голи мезбонларни бироз синдирдию, аммо "Вольфсбург" дарвозасига белгиланган пенальти уларга умид бағишлади. Аммо қарши ҳужумда муаммосиз ҳаракат қилган немислар яна 2та гол уришди.

Ушбу ғалабадан кейин "Вольфсбург" ўз очколарини 4тага етказиб олди.

Европа лигаси, "H" гуруҳи
Краснодар Россия – Вольфсбург Германия 2:4 (0:1)
Голлар: 0:1 – 37, автогол Гранквист, 0:2 – 46 де Брюйне, 1:2 – 51, пенальти Гранквист, 1:3 – 64 Л. Густаво, 1:4 – 79 де Брюйне, 2:4 – 86 Вандерсон.
Краснодар – Дикань, Сигурдссон, Гранквист, Енджейчик, В.Калешин, Одил Аҳмедов, Газинский (Петров, 80), Перейра (Вандерсон, 68), Лаборде, Мамаев (Р.Аджинджал, 68), Ари.
Вольфсбург – Бенальо, Кнохе, Юнг, Налдо, Шефер, Л. Густаво, Гилавоги, де Брюйне (Арнольд, 87), Перишич (Виейринья, 61), Д. Калиджури, Олич (Дост, 78).
Огоҳлантиришлар: Налдо (51), Сигурдссон (56), Лаборде (73).