Европа лигасининг гуруҳ босқичи доирасида "Краснодар" ўз майдонида "Вольсбург"га ютқазди. Ўйиндан кейин краснодарликлар ярим ҳимоячиси Одил Аҳмедов ўз фикрларини билдириб ўтди.
"Бугун ғалаба учун майдонга тушгандик. Ўйин бошидан рақиб дарвозасига босим ўтказдик, ҳужум қилдик. Аммо қарши ҳужумда гол ўтказиб юбордик. Иккинчи бўлим бошини ҳужумкорлик билан бошлашни ният қилгандик, аммо ўтказиб юборилган гол бизни синдириб қўйди. Ўша вазиятда ухлаб қолдик шекилли. Шунга қарамай, ўйин бошида яна кўп ҳужумлар қилдик. Ўйинимиз бор, ҳужум бор, аммо кам гол уряпмиз. Бугунги ҳисоб ўйинга мос бўлди деб айта оламан. Бундай голларни ўтказиб юбормаслигимиз керак. Кейинги ўйинда имкониятлардан фойдаланиб, ғалаба қозонишимизга умид қиламан", - дейди Одил Аҳмедов.
