"Манчестер Юнайтед" бош мураббийи Луи ван Гал "Барселона" клуби собиқ дарвозабони Виктор Вальдесни жамоа машғулотида иштирок этишга таклиф қилди.
Ҳозирги кунда 32 ёшли посбон жароҳатидан тикланиш машқларини ўтамоқда. Ван Гал эса Вальдесни "қизил иблислар" шифокорлари назорати остида машғулот ўтказишга таклиф қилди.
Дарвозабон март ойида тиззасидан олган жароҳати боис ҳали майдонга қайта олгани йўқ. Футболчининг "Барселона" билан шартномаси ёзда якунига етди. Дарвозабон "Монако"га ўтишга яқин турганди, аммо у тиббий кўрикдан ўта олмади.
Вальдесга "Ливерпуль" устози Брендан Рожерс ҳам қизиқиш билдирганди, аммо Викторнинг молиявий талаблари ливерпулликларни қўрқитиб юборди.
