Италиянинг "Наполи" клуби ҳужумчиси Гонсало Игуаиннинг акаси ва агенти Николя Игуаин унинг "Арсенал"га трансфер қилиниши ҳақидаги хабарларни рад этди.
"Игуаиннинг "Арсенал" ёки "Ливерпуль"га ўтаётгани ҳақидаги хабарлар ҳақиқатга тўғри келмайди. Сабаби, унинг "Наполи" билан беш йилга мўлжалланган амалдаги шартномаси мавжуд. У "Наполи"да ўйнашда давом этади", - дейди Николя Игуаин.
Эслатиб ўтамиз, Лондоннинг "Арсенал" клуби бош мураббийи Арсен Венгер уни қишда ўз жамоасига олиб келишни истаётгани ҳақида хабарлар тарқалганди.