Москванинг "Локомотив" клуби Россия кубоги 1/8 финал босқичида "Уфа" меҳмони бўлди ва минимал ҳисобда ғалаба қозонди.

Ўйиндаги ягона гол Муборак Буссуфа томонидан учрашувнинг 19-дақиқасида киритилди. Темирйўлчилар ҳисобни очиб олишганидан кейин асосан ҳимояда ўйнаб, ҳисобни ушлаб қолишга ҳаракат қилишди. "Уфа" эса юзага келган камсонли имкониятларидан фойдалана олмади. АЙниқса, ўйин сўнгида тўп "Локомотив" дарвозаси тўсинига тегиб қайтди.

Ушбу ғалабада Виталий Денисовнинг ҳиссаси ҳам улкан бўлди. Ҳамюртимиз ўйин давомида катта жонбозлик билан ҳаракат қилди ва бир неча марта кичик жароҳатлар олди. Вагиз Галиулин эса "Уфа" захирасида қолиб кетди.

Россия кубоги, 1/8 финал
Уфа – Локомотив 0:1 (0:1)
Гол: 0:1 – 19 Буссуфа.
Уфа – Веремко, Тумасян, Верховцов, Сухов, Тишкин, Засеев, Фримпонг, Безлихотнов, Пауревич, Диего Карлос, Ханджич.
Локомотив – Гильерме, Дюрица, Шишкин, Чорлука, Михалик, Виталий Денисов, Самедов, Касаев, Буссуфа, Фернандеш, Павлюченко.