Украинада ҳам мамлакат кубогининг нимчорак финал босқичи баҳслари бўлиб ўтмоқда. "Ворскла" жамоаси ўз майдонида "Ильичевец"ни қабул қилди ва иродали ғалабани қўлга киритди.
Меҳмонлар биринчи бўлимдан сўнг 2та тўп фарқи билан олдинга чиқиб олишди. Иккинчи бўлимнинг дастлабки 24 дақиқаси ичида полтоваликлар 3та гол уриб, ғалабани илиб кетишди.
Санжар Турсунов бошланғич таркибда майдонга тушиб, ўйин охиригача ҳаракат қилди.
"Говерла" эса "Металлист" меҳмони бўлди. Жароҳатида фориғ бўлган Максим Шацких учрашувни асосий таркибда бошлади. Бироқ у 62-дақиқада алмаштирилди. Ужгородликлар "Металлист" билан 1:1 ҳисобида дуранг ўйнашди. Аммо дастлабки ўйинда 2:2 ҳисоби қайд этилгани боис, сафардаги гол қоидасига кўра харьковликлар кейинги босқичга чиқишди.
