"Арсенал" бош мураббийи Арсен Венгер "Бёрнли"га қарши ўйин борасида ўз фикрларини билдириб ўтди.

"Биз ўз ўйинимизни намойиш қилиб, гол уриш учун қулай вазиятни кутишимиз керак эди. Бунинг уддасидан чиқдик. Ўз дарвозамиз дахлсизлигини сақлаб қолиш муҳим аҳамиятга эга эди. Якунда йирик ғалабани қўлга киритдик, аммо уни қўлга киритиш учун кўп меҳнат қилишга тўғри келди.

Санчес ажойиб ўйинни ўтказди. У юқори савиядаги футболчи. У курашдан қўрқмайди, гол уради ва масъулиятни ўзига олади. Айнан шундай хислатларни яхши футболчидан кутаётган эдингиз.

Уолкоттнинг захирадан тушиши унга кейинги ўйинда ишонч бағишлайди. Ўйлайманки, у тез орада аввалги савиясига чиқиб олади", - дейди Венгер.