"Ливерпуль" бош мураббийи Брендан Рожерс Европа чемпионлар лигасининг гуруҳ босқичи доирасида "Реал"га қарши ўтадиган ўйин олдидан рақиб жамоага юқори баҳо бермоқда. Хабарингиз бор, ушбу икки жамоа тўқнашуви 4 ноябрь оқшомида, соат 23:45да "Сантьяго Бернабеу" стадионида бошланади.
"Реал" билан "Бернабеу"даги баҳс биз учун ғоятда ҳаяжонли баҳс. Елкамизда катта масъулиятни ҳис этиб турибмиз, ахир биз дунёнинг энг кучли жамоасига қарши ўйин арафасидамиз.
Босим ҳар бир ўйинда бўлади. Машғулотларни бошлаб юборганмиз ва умид қиламизки, яхши натижа кўрсатамиз", - дея Рожерснинг сўзларидан иқтибос келтирмоқда инглиз ОАВ.