"Реал" ярим ҳимоячиси Гарет Бэйл қишки трансфер пайтида "Манчестер Юнайтед"га асло ўтиш нияти йўқлигини таъкидлаб ўтди. Манкунианликлар уэльслик футболчи учун 90 миллион фунт тўлашга тайёр эканликларини маълум қилишганди. Аммо Бэйл ҳозирда Мадридни тарк этмоқчи эмас.
"Реал" сафида Иско ишончли ўйнаётганига қарамай, Бэйл "Қироллик клуби"да қолишга тайёр ва жароҳатидан тўлиқ фориғ бўлганидан кейин асосий таркибдаги ўз ўрнини қайтариб олишига ишонмоқда.