Бугун Ўзбекистон чемпионатининг 25-тур ўйинлари якунланди. Чемпионат тугашига ҳали бир тур бўлса-да, барча нарса ойдинлашди:
Чемпион — "Пахтакор", кумуш медаль — "Локомотив", бронза медаль — "Насаф".
Олий лигани "Андижон" ва "Сўғдиёна" жамоалари тарк этишди. "Бухоро" кучлилар сафида қолди. Сўнгги тур олдидан "Бухоро" ва "Сўғдиёна" жамоалари очколари ўртасидаги фарқ 3 очкони ташкил этмоқда. Ҳар иккала ўзаро ўйинда бухороликлар ғалаба қозонишган (1:0, 2:1).
Шунингдек, ОЧЛда Ўзбекистон шарафини "Пахтакор" (гуруҳ босқичида), "Локомотив", "Насаф" ва "Бунёдкор" жамоалари ҳимоя қилишади. Фақат битта масала қолди: ОЧЛ гуруҳ босқичига қайси жамоа чиқади? "Локомотив" ёки "Бунёдкор"? Бу саволнинг жавобини 12 ноябрь куни бўлиб ўтадиган Ўзбекистон кубогининг финалидан сўнг билиб оламиз.
Сўнгги турда битта нарсага ойдинлик киритилади: "Пахтакор" мавсумни мағлубиятсиз якунлайдими? Дарвоқе, тўпурар — Артур Геворкян (17та гол).
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Пахтакор | 25 | 22 | 3 | 0 | 51-12 | 69 |
| 2 | Локомотив | 25 | 20 | 3 | 2 | 57-21 | 63 |
| 3 | Насаф | 25 | 16 | 6 | 3 | 43-19 | 54 |
| 4 | Бунёдкор | 25 | 15 | 6 | 4 | 42-17 | 51 |
| 5 | Машъал | 25 | 10 | 6 | 9 | 35-38 | 36 |
| 6 | Олмалиқ | 25 | 8 | 6 | 11 | 31-36 | 30 |
| 7 | Навбаҳор | 25 | 9 | 2 | 14 | 36-39 | 29 |
| 8 | Қизилқум | 25 | 7 | 6 | 12 | 23-33 | 27 |
| 9 | Динамо | 25 | 8 | 3 | 14 | 23-37 | 27 |
| 10 | Нефтчи | 25 | 6 | 7 | 12 | 18-26 | 25 |
| 11 | Металлург | 25 | 7 | 4 | 14 | 40-52 | 25 |
| 12 | Бухоро | 25 | 6 | 6 | 13 | 22-42 | 24 |
| 13 | Сўғдиёна | 25 | 6 | 3 | 16 | 31-49 | 21 |
| 14 | Андижон | 25 | 3 | 3 | 19 | 18-49 | 12 |
Чемпионатимизни эсон-омон якунлаб олдик. ЎзПФЛга раҳмат.
