"Манчестер Сити" раҳбарияти Дортмунднинг "Боруссия" клуби яримҳимоячиси Марко Ройс харид қилинган тақдирда унга йилига 13 миллион евро маош тўлаши мумкин, дея немис матбуотига асосланиб хабар бермоқда ТАСС.
Агар 25 ёшли яримҳимоячи "Сити" аъзосига айланадиган бўлса, у клубнинг энг кўп маош олувчи ўйинчисига айланади.
Немис футболчисининг "Боруссия" билан шартномаси 2017 йилгача мўлжалланган. Трансфернинг тахминий қиймати 25 миллион евро деб қайд этилмоқда. Аммо дортмундликлар президенти Ханс-Йоахим Ватцке бир неча бор Ройс жамоанинг асосий ўйинчиларидан бири эканини ва уни сотиш ниятида эмасликлари ҳақида гапириб ўтганди.
Бундеслигада Ройс "Боруссия" сафида 162 ўйин ўтказди ва уларда 68 марта рақиблар дарвозасини ишғол қилди. Германия терма жамоаси билан эса ЕВРО-2012 бронза медали совриндорига айланган.