Европа чемпионлар лигасининг гуруҳ босқичини яхши бошлаган "Зенит" сўнгги 2 турда мағлубият аламини тортишга мажбур бўлмоқда. Россияликлар 4-турда ҳам Германиянинг "Байер" клубига имкониятни бой беришди.

"Байер" ўйин бошиданоқ рақибга нисбатан кучли прессинг қўллаб, уларга эркин ўйнаш имкониятини бермасликка ҳаракат қилишди. Биринчи бўлимнинг иккинчи ярмидан бошлаб петербургликлар аста-секин имкониятларга эга бўла бошлашди. Жумладан, Халк томонидан амалга оширилган жарима зарбаси дарвоза устунига тегиб қайтган бўлса, Кержаков бирга-бир вазиятда дарвозабонни доғда қолдира олмади.

Иккинчи бўлимда эса ливеркузенликлар дастлаб жарима тўпини ажойиб тарзда амалга оширишди ва Сон Хеунг Минг чиройли зарба билан ҳисобни очди. Орадан 4 дақиқа ўтиб жанубий кореялик футболчининг ўзи яккама-якка вазиятда Лодигин дарвозасини ишғол қилди. Ўйиннинг асосий вақти тугашига 1 дақиқа қолганида Соломон Рондон битта жавоб тўпини киритди. Якуний ҳисоб - 1:2.

Ушбу ғалабадан кейин "Байер" ўз очколарини 9тага етказиб олган бўлса, "Зенит" 4 очко билан 3-ўринда қолди.

ЕЧЛ, "С" гуруҳи, 4-тур
"Зенит" (Россия) – "Байер" (Германия) - 1:2 (0:0)
Голлар: 0:1 – 68 Сон Хеунг Мин, 0:2 – 73 Сон Хеунг Мин, 1:2 – 89 Рондон.
"Зенит": Лодигин, Анюков, Гарай, Ломбертс, Кришито, Витцель, Хави Гарсия, Халк, Данни (Рязанцев, 79), Шатов (Аршавин, 87), Кержаков (Рондон, 79).
"Байер": Лено, Ж.Донати, Топрак, Спахич, Едвай (Бениш, 65), Чалханоглу, Л. Бендер, Брандт (Дрмич, 53), Бельараби, Сон Хеунг Мин, Кисслинг (Круз, 90).
Огоҳлантиришлар: Данни (37), Гарай (67), Витцель (76), Дж. Донати (79), Бельараби (82), Шатов (82).