"Наполи" бош мураббийи Рафаэль Бенитес жамоаси Европа лигаси гуруҳ босқичининг 4-турида "Янг Бойз" устидан ғалаба қозониши шартлиги ҳақида гапириб ўтди. Эслатиб ўтамиз, дастлабки ўйинда неаполликлар Швейцариядан мағлубият билан қайтишган.

"Руҳий кечинмаларимизни амалда кўрсатишимиз шарт. Биз рақибдан кўра кучлироқ эканимизни биламиз, лекин буни майдонда исботлаш керак.

Агар ғалаба қозонишни эплолмасак ҳам барибир бизда юришни давом эттириш учун имкон бўлади. Исталган вазиятда гуруҳдан чиқиб кетишимизга ишонаман", - деди испан мутахассиси.