Донецкнинг "Шахтёр" клуби ҳужумчиси Луис Адриану Италия Чемпиони - "Ювентус" клубининг асосий трансфер нишонига айланди.
"Ювентус" клуби бразилиялик 27 ёшли ҳужумчи билан қишда шартнома имзолаш ниятида. Маълумотларга кўра, Луис Адриано қишда "Ювентус" сотиб олишни мўлжаллаётган футболчилар орасида биринчи рақамли нишон бўлиб турибди.
Эслатиб ўтамиз, бундан аввалроқ, аниқроғи ёзда "Ювентус" бразилиялик футболчи борасида "Шахтёр" вакиллари билан музокара ўтказишган ва бу музокаралар омадсиз якунланган эди. Ўшанда, туринликлар футболчини бир йилга ижарага олишни мўлжаллашган эди. Аммо, Италия гранди эндикликда футболчининг трансферини тўлиқ сотиб олишга қарши эмас. Маълумотларга кўра, Луис Адрианонинг трансфер нархи 25-30 млн евро атрофида баҳоланган.