Аргентиналик афсонавий футболчи Диего Марадонанинг айтишича, ФИФА президенти Йозеф Блаттер турли йўллар билан унинг футболдаги фаолиятидан четлатмоқчи.
Аргентинатерма жамоасининг собиқ устозининг сўзларига қараганда, Блаттер Марадонага қизиқиши мумкин бўлган клубларнинг президентлари билан суҳбатлашади.
Эслатиб ўтамиз, ФИФАни танқид қилгани учун ташкилот шу йилнинг ёзида бўлиб ўтган жаҳон чемпионатида Марадонанинг учрашувларни ВИП-ложаларда кузатишига тақиқ қўйган эди.
"Блаттер менга жаҳон чемпионати учрашувларини кузатишга имкон бермаган эди. Чунки мен унинг ниқобини олиб ташлаб, айбларини фош қилган эдим. Энди эса БАА мамлакатида мураббийлик қила олмаяпман. Чунки у клубларнинг президентларига қўнғироқ қилиб, мен билан шартнома тузмасликларига кўндирмоқда. Менга буни уларнинг ўзлари айтишган", - дейди Марадона.
