"Барселона"нинг собиқ президенти Жоан Лапорта каталонияликларнинг аввалги шуҳратини қайтариш учун бел боғлади.
У аввалроқ, 2016 йилда бўлиб ўтадиган "Барселона" клуби президентлигига сайловларда ўз номини қўймоқчи экалигини билдирган эди.
Лапорта 12 ноябрь куни Мадридда машҳур футбол агенти Жорже Мендеш билан хуфёна учрашди. Қизиғи, учрашув бўлиб ўтган ресторанда "Ювентус" ғужумчиси Фернандо Льоренте ҳам ўз агенти билан бўлган.
Лапорта ва Мендеш футболчи билан бир неча дақиқа суҳбатлашдилар, сўнг аолоҳида жойга бориб ўтирдилар.
Суҳбат давомида Мендеш ҳозирги трансфер бозоридаги воқеалардан Лапортани хабардор қилди. "Барса" президентлигига номзодлик қилётган Лапортага айнан шу керак эди. Шунингдек, у Мендешдан Криштиану Роналдунинг товон пули қанча эканлигини сўради. Аммо португалиялик футолчининг агенти бу амалга ошириб бўлмайдиган трансфер эканлигини айтди.
Эслатиб ўтамиз, Лапорта клубнинг ҳозирги президенти Хосеп Бартомэуни ҳеч ким сайламаганини айтиб, уни ҳақиқий президент эмаслигини билдирган эди.
