"Манчестер Сити" Лондоннинг "Арсенал" ва "Тоттенҳэм" клубларига ҳимоячи Матия Настасични қишки трансферлар вақтида 6,3 миллион еврога сотиб олишни таклиф этади, дея хабар бермоқда Goal.com.
Аввалроқ, ёзда Настасичга янги жамоа қидириш маслаҳат берилган, аммо ўшанда у итальян клубларидан бўлган қизиқишга қарамай "Сити"да қолишга қарор қилганди. Хабар қилишларича, "Сити" раҳбарияти ушбу футболчи учун 2012 йили сарфлаган 15 миллион евродан иложи борича кўпроғини қайтариб олмоқчи. Футболчининг маоши ҳафтасига 94 минг еврони ташкил этади.
21 ёшли ҳимоячи жорий мавсум "Манчестер Сити"нинг Англия Суперкубоги доирасида ўтказган августдаги ўйинидан сўнг ҳали бирор марта қайдномага ҳам киритилмаган.