“Бавария” ҳамда Германия терма жамоаси дарвозабони Мануэль Нойер Испанияга қарши ўртоқлик ўйинида Бундестимга ёрдам бера олмайди, деб хабар бермоқда Германия футбол иттифоқи матбуот хизмати тарқатган маълумотга таяниб Championat.com интернет нашри.
28 ёшли футболчи ўнг тиззасидаги муаммолар туфайли Виго шаҳрига бора олмайди.
Бундестим устози Йоахима Лёв сўзларига кўра, у Нойернинг соғлиги устида таваккал қилишни истамаган. Бошқа томондан олиб қараганда бош мураббий қарорини тўғри тушуниш мумкин, сабаби испанларга қарши учрашувда заҳирадаги ажойиб голкиперлар Роман Вайденфеллер ва Рон-Роберт Цилер майдонга тушиш имкониятига эга бўлишади. Эслатиб ўтамиз, Испания ва Германия терма жамоалари ўртасидаги ўйин 18-ноябрь куни Вигода ўтади.
