Қўшни Қозоғистоннинг Алмати шаҳрида давом этаётган оғир атлетика бўйича жаҳон чемпионатида иштирок этаётган ҳамюртимиз Руслан Нуриддинов бугун учта медални қўлга киритгани ҳақида хабар бергандик. Руслан чиқишлари якунлангач қозоғистонлик ҳамкасбларимизга қисқача интервью берди.
"Мен роса хурсандман. Сабаби, жароҳатим бор эди. Машғулотларда 215 килограмм тошни кўтаришни уддасидан чиқаётгандим. Жаҳон чемпионатида 239 килограммни кўтарганим бу – мўжиза! Албатта, 239 килограмм тошни кўтарганимда олтин медалдан умид қилгандим, лекин барибир хафа эмасман, медалларимдан хурсандман!
Ильин — бу машина, ундан ҳамма нарсани кутиш мумкин. Чемпионликни қўлга киритиш учун 139 кг. ҳам камлик қилишини билардим, аммо ичимда умид йўқ эмасди. Лекин асосий кураш Олимпиадада кечади», — дейди Руслан Нуриддинов.
— Сиз дастлаб Илья билан бирга 94 кг. вазн тоифада эдингиз. Париждаги ЖЧдан кейин 105 кг.га ўтдингиз ва 2013 йили ЖЧда ғолиб чиқдингиз. Бу вазнда энди ҳукмронлик ўрнатган эдингиз, Ильин пайдо бўлди. Бу ҳақда нима дея оласиз?
— Ҳааа (кулади). Бу вазнда менга Давиднинг ўзи ҳам етарди. Барча бирданига 105 кг.га ўтишни хоҳлаб қолди (кулади). Лекин, аксинча, бу жуда яхши, мотивация беради. Бир-биримизга қараб, натижаларни яхшилашга ҳаракат қиламиз. Бу оғир атлетикада яхши ҳолат.
