Ўзбекистон миллий терма жамоаси сардори, Жанубий Кореянинг "Сеонгнам" клуби сафида тўп сураётган Сервер Жепаров бугун ўз жамоаси сафида "Геонгнам"га қарши учрашувда асосий таркибда майдонга тушди.
"Сеонгнам" майдонида ўтказилган учрашувда 1:1 ҳисоби қайд этилди ва эътиборлиси, "Сеонгнам" сафида голга айнан Жепаров муаллифлик қилди. Ўзбекистон миллий терма жамоаси сардори биринчи бўлимнинг 31-дақиқасида рақиб дарвозасини ишғол этиб жамоасини ҳисобда олдинга олиб чиққан бўлса ҳам, иккинчи бўлимда Жепаров жамоаси ўз дарвозасидан тўп олиб чиқди ва учрашув 1:1 ҳисобида якунланди.