Кейинги вақтларда мамлакатмиз ОАВларида, тўғрироғи интернет сайтларида Тошкентнинг “Локомотив” клуби аъзоси – Игнатий Нестеровни гўёки Ғузорнинг “Шўртан” жамоасига ўтиши ҳақида хабарлар тарқалди. Биз бунга аниқлик киритиш мақсадида “Шўртан” ПФК матбуот хизмати раҳбари Толибжон Қосимовга мурожаат қилдик.

“Ўзингизга маълум, жамоамиз келаси йилдан яна Олий лигада фаолият юритади. Тўғри, ҳар қандай жамоа ўз сафида кучли футболчилар тўп тепишини хоҳлайди. Бу борада жамоамиз ҳам селекция ишларини бошлаб юборган. Аммо Игнатий Нестеровга клубимиз томонидан ҳеч қандай таклиф бўлмаган. “Шўртан” футбол клубининг кўз остига олган номзодлар талайгина, лекин ҳозирча аниқ бир номзодга мураббийлар штаби тўхталган эмас. Мабодо бу борада янгилик бўлса, клуб расмий сайти орқали хабар берамиз”, – дейди “Шўртан” ПФК матбуот хизмати раҳбари Толибжон Қосимов.