«Фиорентина» ярим ҳимоячиси Хуан Куадрадога Европанинг яна бир топ-клуби қизиқиш билдирмоқда.
Sport.es сайтининг хабар беришича, Колумбия терма жамоасининг 26 ёшли футболчисини «Манчестер Юнайтед» ва «Манчестер Сити»дан кейин «Реал» ҳам қўлга киритишни ният қилмоқда.
Манбага кўра, «галактикос» яқин кунларда футболчининг трансфери борасида келишувга эришиши мумкин. Шундай бўлса, Куадрадо мавсум якунланганидан кейин Мадридга кўчиб ўтади. Хуан орқали "Реал" ўнг қанот ҳимоя ва ярим ҳимоя чизиғини кучайтиришни мақсад қилмоқда.
Куадрадонинг товон пули 35 миллион еврони ташкил этади. Футболчининг ўзи эса «Барселона»га ўтишга мойиллик билдирмоқда.
Аввалроқ Куадрадо «Фиорентина» билан шартномани 2019 йилгача узайтириб, маошини йилига 2,5 миллион еврогача кўпайтирганди.
