Таиланднинг Пхукет шаҳрида бўлиб ўтаётган пляж спорт турлари бўйича Осиё ўйинларида Ўзбекистон пляж футболи терма жамоаси ҳам иштирок этаётганидан хабарингиз бор.
Аҳад Юсупов шогирдлари бугун Баҳрайнга қарши 2-тур баҳсини ўтказишди ва қийин ғалабага эришишди.
Ўйиннинг дастлабки 2та бўлимида баҳрайнликлар дарвозамизга биттадан гол уришиб, 2:0 ҳисобида олдинга чиқиб олишди. Сўнгги бўлимда катта устунликка эришга вакилларимиз ғалабани ўз томонларига оғдириб олишди — 4:3. Терма жамоамизнинг голларига Тоҳир Абдураззоқов (2та) ва Жамолиддин Шарипов муаллифлик қилишди. Баҳрайн футболчиси ўз дарвозасини бир марта ишғол қилиб қўйди.
Пляж футболчиларимиз дастлабки турда Хитойга 2:4 ҳисобида ютқазиб қўйишганди. Эртага Баҳрайн ва Хитой терма жамоалари ўзаро баҳс олиб боришади. Баҳрайн ғалаба қозонмаса, Ўзбекистон чорак финалга чиқади.
Пляж спорт турлари бўйича Осиё Ўйинлари
Пляж футболи, "С" гуруҳи
БАҲРАЙН - ЎЗБЕКИСТОН - 3:4
Голлар: Ад-Досарий (3), Ал-Абдулла (22), Ал-Мугаҳвий (35) — Ад-Досарий (22-автогол), Тоҳир Абдураззоқов (32, 33), Жамолиддин Шарипов (36)
Ўзбекистон (асосий): Акмал Чориев, Фарҳод Мираҳмедов, Арслон Шаропов Феруз Фахриддинов, Жамолиддин Шарипов
Захира: Олег Тукмаков, Тоҳир Абдураззоқов, Фахриддин Самегов, Зоҳид Ибрагимов, Жасур Ўрунов
