ФИФА футболчи Лука Модричнинг жароҳати учун «Реал»га 1,6 миллион евро миқдорида молиявий компенсация тўлайди. Ярим ҳимоячи Хорватия терма жамоаси таркибида Евро-2016 саралаш босқичи доирасида Италияга қарши ўйинда жароҳат олганди.
ФИФА томондан ишлаб чиқилган клублар ҳуқуқларини ҳимоя қилиш дастурига мувофиқ, ўз футболчисини терма жамоа ихтиёрига берган клуб, агар ўйинчи терма жамоа таркибида жароҳат олса, ФИФАдан компенсация маблағини олади. Бунда 28 кун ва ундан ортиқ муддатга меҳнат қобилиятини йўқотган футболчи учун компенсация тўланади.
Эслатиб ўтамиз, Модрич чап сонидаги пайидан жароҳат олган. Ўйинчи тўлиқ соғайиб кетиши учун камида 3 ой вақт керак. Агар хорватиялик футболчи операция столига ётқизиладиган бўлса, у ҳолда футболчининг майдонга қайтишига 6 ой вақт кетади. Табиийки, компенсация суммаси ҳам икки баравар ошади.
