Евро-2016 расмий Твиттери мусобақанинг расмий тимсолини тақдим этди. Франция терма жамоасининг 16-рақамли формасини кийган болакайга қизил плашч ҳам кийдирилган. Албатта, у тўп тепмоқда.
Ушбу тимсол кеча бўлиб ўтган Франция ва Швеция ўртасидаги ўртоқлик ўйинида тақдимот қилинди. Энди 26 ноябргача тимсолга ном танлаш бўйича танлов ўтказилади. 30 ноябрь куни эса тимсолнинг Твиттерда расмий аккаунти очилади.
Эслатиб ўтамиз, Европа чемпионати 2016 йилнинг 10 июнидан 10 июлига қадар Францияда бўлиб ўтади. Европа чемпонатида илк марта 24 жамоа иштирок этади.
