Дунёдаги энг йирик спорт мусобақаларидан бири – енгил атлетика бўйича 2019 йили ўтказиладиган жаҳон чемпионати баҳслари Қатар пойтахти Доҳа шаҳрида ўтказиладиган бўлди. Бу ҳақда, Монако давлатида бўлиб ўтган махсус конференцияда эълон қилинди.
Овоз бериш жараёнида Доҳа шаҳри Южин (АҚШ) ва Барселона (Испания) шаҳарларини ортда қолдиришга муваффақ бўлди. Биринчи босқичда Доҳа шаҳри 12 овоз жамғарди. Южин шаҳри 9 та, Барселона номзоди учун эса 6 киши овоз берди. Иккинчи босқич якунига келиб Доҳа шаҳри 15 овозга, Южин эса 12 овозга эга бўлди.
Қатар давлатида ўтказиладиган жаҳон чемпионати баҳслари одатдагидек август ойида эмас, балки октябрь ойида бўлиб ўтади. Ташкилий қўмита вакиллари, шунингдек, марафон мусобақаларини кечки пайт ўтказилишини маълум қилдилар.
