Украина ёшлар (U21) терма жамоаси бош мураббийи Сергей Ковалец Football.sport.ua сайти меҳмони бўлди ва интервью берди. Бош мураббий қишда ўтказиладиган Ҳамдўстлик кубогида иштирок этмаслигини, аксинча, Туркияда йиғин ўтказиб, бир нечта терма жамоалар иштирокида мини-турнирда иштирок этишини маълум қилди.

Мураббий берган маълумотга кўра, унда Ўзбекистон ёшлар терма жамоаси ҳам қатнашади.

"Қишда Ҳамдўстлик кубогида иштирок этмаймиз. Лекин бу вақтда Туркияда йиғин ўтказиб, мини-турнирда қатнашамиз. Ҳозирда федерациялар билан музокаралар ўтказяпмиз. Ҳозирда Ўзбекистон, Грузия ва Словакия унда иштирок этишга розилик беришди. Ўйинлар табиий майдонларда ўтказилади", - дейди Ковалец.