Испаниянинг Sport.es нашри тахминича, «Барселона» ҳужумчиси Лионель Мессининг трансферига Европанинг бор-йўғи 4та жамоаси қурби етади.
Манбага кўра, барча нарса Мессининг товон пулига боғлиқ. Мессининг клуб билан шартномасида товон пули 250 миллион евро деб кўрсатилган. Бундай трансферни амалга оширишга фақат «Челси», «ПСЖ», «Манчестер Сити» ва «Интер»нинг молиявий имкониятлари кўтара олади.
Мессини «Бавария» ҳам харид қилиши мумкин, аммо шу пайтгача мюнхенликлар Леога қизиқиш билдиришмаган. Боз устига, катта харажатлар қилиш "Бавария" сиёсатига зид.
«Барселона» Мессини 2016 йилда сотишни режалаштираётгани ҳақида маълумотлар тарқалди.
