"Манчестер Юнайтед" бош мураббийи Луи ван Гал жамоа ҳужумчиси Радамель Фалькао янги жароҳат олгани ва тахминан икки ҳафтадан сўнг майдонга қайтиши мумкинлигини маълум қилди.
"Фалькаода янги жароҳат бор. Асосий жамоага қўшилиши учун тахминан икки ҳафта вақт талаб этилади", - дея ван Галдан иқтибос келтириб ўтди "МЮ" расмий твиттери.
Эслатиб ўтамиз, колумбиялик ҳужумчи охирги марта манкунианликлар сафида бир ой олдин, АПЛнинг 8-туридаги "Вест Бромвич"га қарши учрашувда майдонга тушганди. 11 ноябрь куни у тиззасидаги аввалги жароҳати яна безовта қилаётгани ҳақидаги хабарларни инкор этганди.
