Туриннинг "Ювентус" клуби бош мураббийи Массимилиано Аллегрининг фикрича, охирги йиллар давомида итальян футболи баъзилар ўйлаганчалик ёмон аҳволда қолмаган.

"Футболимизга паст назар билан қарамаслигимиз керак. Охирги ўн йилга назар ташласак, Италия терма жамоаси 2006 йилда жаҳон чемпиони бўлди, Евро-2012да эса финалга қадар етиб борди. "Милан" ва "Интер" клублари ЕЧЛни ютдилар. Бизнинг клубларнинг инглиз, француз ва испан клублари билан фарқи бюджет масаласига бориб тақалади. Бироқ биз академиялардаги машғулотлар тизимида ўзгартириш қилишимиз керак. Футболчилар фақат иш учунгина бирга бўлишлари ярамайди, футболдан четга ҳам чиқиб туриш керак", - дея Аллегридан иқтибос келтирмоқда Tuttosport.