«Манчестер Юнайтед» клуби «Рома» ярим ҳимоячиси Кевин Стротман трансфери борасида келишувга эришди, дея хабар беради TalkSport.
24 ёшли голландиялик футболчи Манчестерга 2015 йилнинг ёзида кўчиб ўтиши кутилмоқда. Унинг трансфери 31 миллион еврога баҳоланмоқда. Футболчининг ўзи эса "МЮ"да ҳафтасига 125 минг фунт олади.
Энг аввало Луи ван Гал ўз ватандошини "МЮ"га олиб келишни истамоқда. Стротман узоқ вақтдан бери жароҳатини даволаш билан банд бўлмоқда. У ушбу мавсумда Италия чемпионатининг битта ўйинида майдонга тушди. Жароҳат боис у ЖЧда ҳам иштирок эта олмади.