Англия чемпионати 12-турининг марказий баҳсида «Арсенал» ўз майдонида «Манчестер Юнайтед»ни қабул қилди.

Лондонликлар ўўйин бошидан рақиб дарвозаси томон чиройли ва ранг-баранг ҳужумлар ташкил қилишди. Меҳмон футболчилари ва дарвозабони анча тер тўкиб, уларни қайтариб туришди.

Иккинчи бўлимда эса Венгер шогирдларидан омад юз ўгирди. Дастлаб Уилшир жароҳат олди ва майдонни тарк этди. Орадан кўп ўтмасдан Гиббс ўз дарвозасини ишғол қилиб қўйди. Боз устига, гол ўтказиб юборилган вазиятда дарвозабон Шчесни жароҳат олиб, ўйинни эрта якунлашга мажбур бўлди. Ушбу воқеалар "канонирлар"га салбий таъсир қилди ва улар ўйин тугашига 5 дақиқа қолганидан Уэйн Рунининг зарбасини ўтказиб юборишди.

Ўйинга қўшиб берилган дақиқаларда Жиру ҳисобни биттага қисқартирди. Қолганига эса мезбонлар улгуришмади. Ушбу ғалабадан кейин "Манчестер Юнайтед" 4-ўринга кўтарилиб олди.

АПЛ, 12-тур
Арсенал – Манчестер Юнайтед 1:2 (0:0)
Голлар: 0:1 – 56, автогол Гиббс, 0:2 – 85 Руни, 1:2 – 90 Жиру.
"Арсенал": Шченсни (Мартинес, 59), Чемберс, Мертесакер, Монреаль, Гиббс, Рэмзи (Жиру, 77), Артета, Окслейд-Чемберлен, Уилшер (Касорла, 55), Санчес, Уэлбек.
"Манчестер Юнайтед": Де Хеа, Макнэйр, Смоллинг, Блэккетт, Валенсия, Феллайни, Кэррик, Шоу (Янг, 16; Флетчер, 89), Руни, ван Перси (Уилсон, 75), Ди Мария.
Огоҳлантиришлар: Касорла (65), Уилсон (90), Жиру (90).