"Барселона" ҳужумчиси Лионель Месси каталонияликлар сафини тарк этишни мўлжалламоқда, бу Аргентинанинг Direct TV телеканали Futbol Total кўрсатуви журналисти Фабиан Годой хабар бермоқда.
Унинг сўзларига қараганда 27 ёшли ҳужумчи кучини бошқа чемпионатда синаб кўрмоқчи ва премьер-лига унинг учун энг яхши вариант бўлиб турибди. Месси бу ҳақда жамоадошлари, жумладан Хави билан инглиз тилини ўрганиш бўйича маслаҳатлашган. Таъкидланмоқдаки, ОАВ томонидан футболчига кўплаб ҳужумлар бўлган ва "Барселона" уни етарли даражада ҳимоя қилмаган.
Мессининг танловига "Челси" тушган, у ерда собиқ жамоадоши ва дўсти Сеск Фабрегас тўп суради. Бундан ташқари уларнинг рафиқалари ҳам ўзаро яқин муносабатдалар. Охир-оқибат "кўклар"нинг ҳомифси бўлмиш "Адидас" трансфер харажатларининг бир қисмини кўтармоқчи. Жамоа бош мураббийи Жозе Моуриньо ҳам чемпионлар лигасининг энг яхши тўпурари билан бирга ишлашга қарши эмас. Агар келишув амалга ошса, унинг суммаси 200 миллион еврони ташкил этиши айтилмоқда.
