"Мальорка" футболчиси Марко Асенсио "Реал"га ўтиши ҳақида Испания ОАВ хабар тарқатганди. 18 ёшли футболчи келаси йилнинг ёзида Мадридга кўчиб ўтади.
"Мальорка" спорт директори Мигель Анхель Надаль ўзининг жияни, теннисчи Рафаэль Надаль орқали "Реал" вакиллари билан алоқага чиққан.
"Мен "Реал" вакиллари билан жияним Рафаэль орқали алоқага чиқдим. Ҳозирги кунда ҳар томонлама манфаатли шартнома имзолаш муҳим аҳамиятга эга. Асенсио ҳозир бизга керак, шунинг учун уни мавсум охиригача ўзимизда олиб қолмоқчимиз", - дейди Мигель Анхель Надаль.
Асенсионинг трансфери борасида "Мальорка" бош мураббийи Валерий Карпин ҳам ўз фикрларини билдириб ўтди.
"Асенсио сафимизда шуғулланишда давом этмоқда. Менимча, ҳали трансфер борасида расмий таклиф тушмаган. Муҳими, у концентрацияни йўқотиб қўймаслиги керак. 18 ёшли футболчи учун бу мураккаб вазият, лекин биз унга ёрдам беришга ҳаракат қиламиз", - дейди Карпин.
