Мадриднинг "Реал" клуби Бразилиянинг "Крузейро" клуби ярим ҳимоячиси Лукас Сильва билан шартнома имзолашни қатъий режалаштирган.
Маълумотларга кўра, "Реал" клуби мураббийлар штаби жамоанинг ярим ҳимоя чизиғини кучайтиришни мақсад қилган. Лука Модричнинг жарохат олиши ва Сами Хедиранинг функционал ҳолати клуб мураббийлар штабини ҳавотирлантирмоқда ва улар тезлик билан ярим ҳимоя чизиғига яна бир футболчи қўшиб олишни режалаштиришган. Жамоа бош мураббийи Карло Анчелотти ҳам Лукас Сильва билан шартнома имзоланишига қарши эмаслигини билдирган.
Хабарларга кўра, Лукас Сильванинг трансфер нархи 15 млн еврога баҳоланмоқда, "Реал" эса ўз навбатида футболчининг трансфер нархини 12 млн еврогача тушириш ниятида.
Маълумот учун, "Крузейро" сафида Бразилия чемпиони бўлган Лукас Сильвага "Реал"дан ташқари Европанинг бошқа бир қатор гранд клублари ҳам қизиқиш билдиришган.