Лондоннинг "Арсенал" клуби бош мураббийи Арсен Венгер жамоа ҳужумчиси Лукас Подольски борасида ҳеч қандай таклиф бўлмаганини таъкидлади.
"Ҳеч кимдан Подолськи борасида бизга таклиф тушгани йўқ. Футболчи асосий таркибга кириши учун анча тер тўкиш кераклигини билади ва шунинг учун ҳам ҳозир машғулотларда анча яхши шуғулланмоқда", - дейди Венгер.
Эслатиб ўтамиз, германиялик ҳужумчи "Арсенал" асосий таркибида етарлича ўйин амалиётига эга бўлмаётгани сабабли, қишда жамоани тарк этиши мумкинлиги ҳақида айтиб ўтган эди. Маълумотларга кўра, футболчига Европанинг бир қатор клублари ҳаридор.