«Арсенал» клуби «Эвертон»га ирландиялик ярим ҳимоячи Жеймс Маккарти учун 16 млн фунт стерлинг миқдорида таклиф тайёрламоқда. Бу ҳақда Daily Mail хабар тарқатди.
"Канонирлар" бош мураббийи Арсен Венгер футболчидан аввало жамоанинг ҳимоядаги ҳаракатларини кучайтириш мақсадида фойдаланмоқчи.
Эслатиб ўтамиз, «Эвертон» ўтган йили Маккартини «Уиган»дан 13 млн фунтга сотиб олганди. Жамоа «Арсенал»нинг ушбу таклифига рад жавобини бериши мумкин, аммо лондониклар курашни давом эттириши кутилмоқда.
Маккарти яқинда тиззасидан жароҳат олиб, камида 3 ҳафтага сафдан чиққанди.
