Айни дақиқаларда Филиппин пойтахти Манила шаҳрида ОФКнинг йил лауреатларини тақдирлаш ва ташкилотнинг 60 йиллик юбилейини нишонлаш маросимини бўлиб ўтмоқда.
Абдуҳошим Исмоилов раҳбарлигидаги "Офарин" гуруҳи созандалари ОФКнинг 60 йиллик юбилейида "Офарин" номли мусиқий номер билан чиқиш қилишди. Осиё футбол жамоатчилиги Ўзбекистон санъаткорларининг чиқишини олқишлар билан қарши олишди.
Ўзбекистонлик ФИФА рефериси Равшан Эрматов эса 2014 йилдаги энг яхши ҳаками номинациясида ғолиб бўлди. Шу тариқа ҳамюртимиз бешинчи марта Осиёнинг энг яхши ҳаками деб тан олинди. Бунгача Эрматов 2008, 2009, 2010, 2011 йилларда ҳам ғолибликни қўлга киритганди.
Равшан Эрматов ЖЧ-2014да иштирок этиб, Мундиалларда ўйинларни бошқариб бориш бўйича рекорд ўрнатди.
Ҳозирча эълон қилинган қолган номинацияларда қуйидагилар совринга эга бўлишди.
"Осиё олмоси" (Diamon of Asia) — Япония Футбол Уюшмасининг собиқ президенти Жунжи Огура;
"Осиё орзуси" (Dream Asia) — Қатар Футбол Уюшмаси;
"Энг яхши футбол уюшмаси" — турли йўналишларда Япония, Шимолий Корея ва Қирғизистон футбол федерациялари;
"Энг яхши терма жамоа" — Фаластин;
"Fair Play" — Корея Футбол ассоциацияси;
Болалар ва ўсмирлар футболини ривожлантириш бўйича ОФК Президентининг махсус соврини Ҳиндистон, Филиппин ва Тожикистонга топширилди.
