Саранск шаҳридаги “Старт” ўйингоҳида “Мордовия” билан ўтказилган 15-тур ўйинидан кейин, журналистлардан бирига берган интервьюсида “Зенит” ҳужумчиси Халк учрашувни бошқарган ҳакам Алексей Матюнинни ирқчи деб атади. Бу ҳақида “Goal.com” сайтининг бразилча аналогида хабар чиққан.
Бразилиялик ҳужумчининг маълум қилишича, ўйиннинг иккинчи тайми вақтида, Халк ҳакамнинг ёнидан ўтиб кетаётиб, дўстоналик билан унинг елкасига қоқиб қўйган. Матюнин эса, дарғазаблик билан ҳужумчига ўзидан узоқлашишни буюрган. Халк бундан ҳайрон бўлиб, изоҳ сўраганида эса, бунга жавобан ҳакам ўзига қоратанлилар ёқмаслигини маълум қилган.
“Мухлислар томонидан рақиб томон футболчиларига нисбатан ўйинлар вақтида турли хил провакацион хатти-ҳаракатлар содир этилишини тушунса бўлади. Лекин, федерация тайинлаган ҳакамлар бундай можарони бошламаслиги керак” – дейди дейди Халк ўз фикрини бидириб.
Қайд этиб ўтиш жоиз, “Зенит” ушбу учрашувда “Мордовия”га 0:1 ҳисобида мағлуб бўлган ҳамда, ўйиннинг 70-дақиқасида Матюнин Халкка сариқ карточка кўрсатган.
