"Интер"га Роберто Манчини бош мураббий этиб тайинланганидан кейин «Ливерпуль» ҳужумчиси Марио Балотелли Миланга кўчиб ўттиши мумкинлиги ҳақидаги гап-сўзлар тарқалди.
FcInterNews.it сайтининг хабар беришича, «нерадзурри» бош мураббийи италиялик ҳужумчи билан бир неча марта телефонда гаплашган. Маълумотларга қараганда, Балотеллининг ўзи ҳам Италия А сериясига қайтишга қарши эмас.
Марио катта футболдаги дебютини 2007 йилда айнан «Интер»да ўтказган.
Футболчининг "Ливерпуль"даги йиллик маоши 6 миллион еврони ташкил қилади. Бундай юқори маош "Интер"га тўлақонли трансферни амалга оширишга халал бериши мумкин. Миланликлар спорт директори Пьеро Аузилио «Ливерпуль» раҳбарияти билан Балотеллининг ярим йиллик ижараси борасида музокара ўтказиб кўради.
