"Манчестер Юнайтед" бош мураббийи Луи ван Гал ёзги харидлар учун 100 млн фунт миқдорда маблағга эга бўлади, дея хабар беради The Telegraph.

Манбага кўра, клуб ҳимоячилар Диего Годин ("Атлетико"), Матс Хуммельс ("Боруссия" Д), Натаниел Клайн ("Саутҳэмптон") ва яримҳимоячи Кевин Стротман ("Рома") каби футболчиларни харид қилишни мўлжалламоқда. Шунингдек, "Бавария" ҳужумчиси Арьен Роббен ҳам манчестерликлар нишонида.

Бундан ташқари, агар клуб Радамель Фалькаони "Монако"дан 43 млн фунтга тўлиқ сотиб ола билмаса, Ван Гал бишқа ҳужумчи қидиришига тўғри келади.

Шунингдек, манчестерликлар Андерсон, Том Клеверли (ижарада) ва дарвозабон Андерс Линдегорни трансферга қўймоқчилар.