"Ювентус" ҳимоячиси Патрис Эвра "Манчестер Юнайтед"га қайтиши мумкин. Gazzetta dello Sport`нинг ёзишича, январда "қизил иблислар" 33 ёшли футболчини харид қилиш учун туринликларга таклиф билан чиқишмоқчи.
Эслатиб ўтамиз, Эвра манкунианликлар сафида 2006 йилдан буён ўйнай бошлаган. У жамоа сафида беш карра Англия чемпиони ва бир марта ЕЧЛ ғолиби бўлган. 2014 йилнинг ёзида франциялик ўйинчи "Ювентус" аъзосига айланганди, аммо жароҳат сабаб А-сериянинг жорий мавсумдаги олти ўйинидагина майдонга туша олди холос. Ушбу баҳслар давомида у битта самарали тўп узатишни амалга оширган.