"Реал" ҳимоячиси Марсело Испания чемпионатида "Сельта" устидан қозонилган йирик ҳисобдаги ғалабадан сўнг жамоадошларини қаторасига 18-ютуқ билан табриклаб, бўшашмасликка чақирди.

"Ғалабали сериямиз жуда муҳим, биз уни давом эттиришни истаймиз ва доим ғалаба учун курашамиз. Бунинг учун уюшқоқликни йўқотмаслик ва бўшашишга йўл қўймаслик керак. Биз ғалабаларни ўзимиз учун вазифадек қабул қила олмаймиз. Муваффақиятнинг сири - қаттиқ меҳнат, шижоатли руҳият ва бирликда. Ўйнаш учун катта хоҳиш ҳар биримизда бор. Криштиану Роналду ажойиб формага чиқиб олди. Буни ҳам ҳисобга олиш даркор. Жамоа унга ёрдам бермоқда, у эса жамоага фойда келтиряпти. Биз унинг учун хурсандмиз", - деди Марсело.