"Реал" яримҳимоячиси Ҳамес Родригеснинг жароҳати жамоа бош мураббийи Карло Анчелоттининг "Крузейро"дан Лукас Сильвани тезроқ харид қилишни талаб қилишига сабаб бўлмоқда, дея хабар тарқатди AS.
Родригес Испания чемпионатининг 14-тури: "Сельта"га қарши учрашувда (3:0) жароҳатланганди. Анчелотти аввалроқ унинг клублар ўртасидаги Жаҳон чемпионатида иштирок эта олмаслигини маълум қилган.
Сильвага келсак, бразилияликлар уни сотишга қарши эмаслар. "Крузейро" президенти Жилван де Пиньо Таварес яримҳимоячини 15 миллион евродан камига сотмаслигини аллақачон эълон қилган. "Реал" эса уни ёзда сотиб олмоқчи эди. Хамес Родригеснинг жароҳатидан сўнг клуб трансферни шу қишдаёқ амалга ошириши мумкин.