11-12 декабрь кунлари Малайзия пойтахти Куала Лумпур шаҳрида Осиё чемпионлари лигасида иштирок этувчи клублар вакиллари иштирокида ўқув-семинар ташкил этилади.
Семинар Малайзия пойтахтидаги муҳташам “Hilton” меҳмонхонасида ўтказилади. Семинар давомида иштирокчилар 2015 йилги мусобақа ўтказилиш тартиби, регламентдаги ўзгаришлар ва бошқа янгиликлар билан таништирилади. Шунингдек, 11 декабр куни ОЧЛ мусобақасига қуръа ташлаш маросими ҳам бўлиб ўтади.
Ушбу тадбирларда “Насаф” делагацияси таркибида жамоа бош менежери Шамил Ярулин, клуб спорт директори Виталий Ни, маркетинг бўлими раҳбари Заҳро Каримова ҳамда клуб матбуот котиби Азизжон Нуров иштирок этишади.
