"Арсенал" бош мураббийи Арсен Венгер ЕЧЛ гуруҳ босқичининг сўнгги турида "Галатасарой"га қарши учрашувдан сўнг (4:1) жамоасининг гуруҳда биринчи ўринни қўлга кирита олмаганидан афсус қилди.

"Биз 4 марта ғалаба қозондик, бир бора дуранг ўйнаб, бир марта ютқаздик. Ортга боқиб, "Андерлехт" билан уйдаги учрашувда йўқотган очколармиздан афсусланишимиз мумкин.

1/8 финалда ажойиб жамоалар бўлади. Қуръани кутамиз", - дейди Венгер.

"Арсенал" 1/8 финалда ўз гуруҳида биринчи ўринни олган жамоалардан бири билан ўйнайди ("Челси"дан ташқари), булар - "Атлетико", "Реал", "Монако", "Бавария", "Порту" клубларидир.