"Манчестер Сити" бош мураббийи Мануэль Пеллегрини агар "шаҳарликлар" ЕЧЛ плей-офф босқичига чиқа олмаса, ўзини истеъфога чиқарилиши мумкин деб ҳисобламаяпти.
Эслатиб ўтамиз, унинг шогирдлари бугун мусобақанинг сўнгги турида "Рома"га қарши майдонга тушади.
"Мен бундай деб ўйламайман. Ҳа, эртага жуда муҳим ўйин ўтказамиз, аммо менинг келажагим ушбу ўйинга боғлиқ эмас деб ўйлайман. Клуб раҳабариятидан ҳеч ким менга босим ўтказаётгани йўқ.
Олдинда турган ўйинга келсак, икки жамоа ҳам босимни бошдан кечирмоқда. "Рома" ҳам трансферлар учун кўп пул сарфлаган ва ривожланишни истайди", - дейди Пеллегрини.
