"Рома" бош мурабийи Руди Гарсия ЕЧЛ гуруҳ босқичининг сўнгги турида "Манчестер Сити"га қарши ўйин олдидан фикрлари билан ўртоқлашди.
"Биз ҳозир беш ўйинда беш очко тўплаган ҳолда гуруҳдан чиқа олмаслигимиз мумкин, аммо биз бу ерга тарихий натижа кўрсатиш учун келдик. ЦСКАга қарши ўйин олдидан ўз ўйинимиздан ҳузурланишимиз ва ўзимизнинг яхши томонларимизни кўрсатишимиз лозимлигини айтган эдим. Ғалаба қозонсак, зўр иш бўлар эди. Биз гуруҳдан чиқишни истаймиз, бунга диққат қилишимиз керак. Қийин бўлади, аммо мени ишонч туйғулари тарк этмаяпти.
Фақат юракдан эмас, калла билан ҳам ўйнашимиз керак. Бу тактик қарама-қаршилик бўлади. Мен жамоа билан ҳар куни ишлайман ва унинг нималарга қодирлигини биламан", - дейди Гарсия.
